MPSCExams | Free Current Affairs Test -29 JUNE 2021 Try to Solve

युरोपियन स्पेस एजन्सी (ESA) ही संस्था जगातील पहिला शारीरिकदृष्ट्या दिव्यांग अंतराळवीर अंतराळात पाठविणार आहे

गोवा हे भारतातील पहिले रेबीज-मुक्त राज्य ठरले आहे. गोव्यात मागील तीन वर्षांमध्ये रेबीज रोगाचे एकही प्रकरण नोंदवले गेले नाही

इस्त्रायल देशात नेशर रामला हे ठिकाण आहे. तेल अवीव शहराच्या आग्नेयला असलेल्या नेशर रामला येथे इस्त्रायली शास्त्रज्ञांना 130,000 वर्षांपूर्वी अस्तित्वात असलेल्या मानवाच्या कवटीचे तुकडे आणि जबड्याचा दात असलेल्या खालचा भागाचे जीवाश्म आढळून आले आहेत. तत्कालीन मानवाला नेशर रामला होमो असे नाव देण्यात आले आहे.

कंपनी (कॉर्पोरेट) कार्य मंत्रालयाने लघु आणि मध्यम आकाराच्या कंपन्यांची व्याख्या सुधारित केली आहे. लघु आणि मध्यम आकाराच्या कंपन्याच्या नवीन व्याख्येनुसार,
स्टॉक एक्सचेंजवर सूचीबद्ध नसणारी कंपनी, बँक, विमा प्रदाता किंवा वित्तीय संस्था, ज्यांची उलाढाल 250 कोटी रुपयांपर्यंत (पूर्वी 50 कोटी रुपये) आहे आणि ऋण 50 कोटी रुपयांपर्यंत (पूर्वी 10 कोटी रुपये) आहे.
आता लघु आणि मध्यम आकाराच्या कंपन्याला कंपनी (लेखापरीक्षण मानके) नियम 2021अंतर्गत बरीच सूट मिळण्याची परवानगी आहे. त्यामुळे लघु कंपन्यांना दिलासा मिळणार.

जागतिक खाद्यान्न कार्यक्रम (WFP) ही संयुक्त राष्ट्रसंघाची एक विशेष संस्था आहे, जी उपासमारला पराभूत करण्यासाठी आंतरराष्ट्रीय प्रयत्न करते. त्याची स्थापना 19 डिसेंबर 1961 रोजी झाली आणि त्याचे मुख्यालय रोम (इटली) येथे आहे.
उदरनिर्वाहासाठी हजारो राज्य-समर्थीत महिला बचत गटांपर्यंत पोहचून उपजीविकेच्या उपक्रमांना बळकटी देऊन घरगुती अन्न व पौष्टिक सुरक्षेमध्ये सुधारणा करण्यासाठी ओडिशा सरकार आणि संयुक्त राष्ट्रसंघ जागतिक खाद्यान्न कार्यक्रम (WFP) यांच्यात करार झाला.

भारत सरकारने देशात विजेवर चालणार्या वाहतुकीला चालना देण्यासाठी तयार करण्यात आलेल्या विजेवर चालणार्या वाहनांचा जलद अंगिकार आणि उत्पादन टप्पा-2 (FAME इंडिया टप्पा-II) या योजनेचा कालावधी आणखी दोन वर्षांनी वाढविण्याचा निर्णय घेतला आहे. योजनेचा द्वितीय टप्पा 1 एप्रिल 2019 पासून राबवला जात आहे. आता ही योजना 31 मार्च 2024 पर्यंत वाढविण्यात आली आहे.
या योजनेच्या माध्यमातून ई-दुचाकी, ई-तीनचाकी, ई-चारचाकी आणि ई-बस खरेदी करण्यात येत आहेत. नव्या तंत्रज्ञानास प्रोत्साहन दिले जात आहे. चार्जिंगसाठी पायाभूत सुविधांचा विकास केला जात आहे.

दरवर्षी 26 जून या दिवशी आंतरराष्ट्रीय अमली पदार्थ आणि अवैध वाहतूक विरोधी दिवस किंवा आंतरराष्ट्रीय अमली पदार्थ दिवस साजरा करतात. आंतरराष्ट्रीय अमली पदार्थ दिवस अमली पदार्थांशी संबंधित मुद्द्यांविषयी जनजागृती करण्यासाठी तसेच त्यांच्या आरोग्यावर, समाज आणि कारभारावर होणाऱ्या दुष्परिणामांचा सामना करण्यासाठी आंतरराष्ट्रीय सहकार्याची मागणी करण्यासाठी पाळला जातो.
2021 साली आंतरराष्ट्रीय अमली पदार्थ दिवसची संकल्पना – “शेअर फॅक्ट्स ऑन ड्रग्स, सेव्ह लाइव्हज”

भारताचा भालाफेकपटू नीरज चोप्रा याने फिनलँडमधील कुओर्ताने गेम्स 2021 स्पर्धांमध्ये कांस्यपदक जिंकले. स्पर्धेचे सुवर्णपदक जर्मनीच्या जोहान्स व्हेटरने जिंकले

25 जून रोजी स्मार्ट शहरे अभियानअंतर्गत स्मार्ट शहरे पुरस्कार 2020 जाहीर झाले.
विजेत्याची यादी सर्व केंद्रशासित प्रदेशांमध्ये प्रथम क्रमांक – चंदीगड.सर्वांगीण विकासासाठी स्मार्ट शहर पुरस्कार 2020 याचा विजेता – इंदूर (मध्यप्रदेश) आणि सूरत (गुजरात).
सर्व राज्यांमध्ये प्रथम क्रमांक – उत्तरप्रदेश (त्याखालोखाल मध्यप्रदेश आणि तामिळनाडू).हवामान स्मार्ट शहरे मूल्यांकन कार्यचौकट अंतर्गत 4-स्टार मानांकन देण्यात आलेली शहरे – सूरत, इंदूर, अहमदाबाद, पुणे, विजयवाडा, राजकोट, विशाखापट्टणम, पिंपरी-चिंचवड आणि वडोदरा.
“अभिनव कल्पना पुरस्कार” याचा विजेता – इंदूर.’स्मार्ट सिटीज लीडरशिप पुरस्कार’ मधील प्रथम क्रमांकाचा विजेता – अहमदाबाद (त्याखालोखाल वाराणसी आणि रांची).
स्मार्ट शहरे अभियान हा भारत सरकारचा नागरी पुनर्नविनीकरण आणि सुधारणा कार्यक्रम आहे. केंद्रीय नागरी विकास मंत्रालय राज्य सरकारांच्या मदतीने हे अभियान राबवत आहे. 25 जून 2015 रोजी अभियानाचा प्रारंभ करण्यात आला.

कर्मचारी वर्ग मंत्रालयाने सुरेश एन. पटेल यांची केंद्रीय दक्षता आयोगाचे केंद्रीय दक्षता आयुक्त म्हणून नियुक्ती केली आहे. संजय कोठारी यांचा CVC प्रमुखपदाचा कार्यकाळ संपल्यामुळे ही नियुक्ती करण्यात आली आहे. ते 24 जून 2021 रोजी पदाचा भार सांभाळणार.
भारताचे केंद्रीय दक्षता आयोग (CVC) भारत सरकारच्या विभिन्न विभागांच्या अधिकारी/कर्मचारी यांच्या संबंधित भ्रष्टाचार नियंत्रणाची सर्वोच्च संस्था आहे. याची स्थापना सन 1964 मध्ये केली गेली. ही कोणत्याही कार्यकारी अधिकारांच्या नियंत्रणापासून मुक्त आहे आणि केंद्र सरकाराच्या अंतर्गत सर्व दक्षता कृतींवर देखरेख ठेवते. आयोगात एक केंद्रीय दक्षता आयुक्त (CVC) आणि दोन दक्षता आयुक्त नियुक्त केले जातात.