Marathi Grammar Practice Paper | मराठी व्याकरण सराव पेपर 31

कॉन्व्हर्जेंस या नावाने EESL मर्यादित कंपनीने एक नवीन उपकंपनीची स्थापना केली आहे, जी ग्रामीण भागात आणि कृषी क्षेत्रासाठी स्वच्छ ऊर्जा विषयक उपाययोजना देण्यावर लक्ष केंद्रित करते. एनर्जी एफिशियन्सी सर्व्हिसेस लिमिटेड (EESL) आणि गोवा सरकारचा नवीन व अक्षय ऊर्जा विभाग यांच्यात राज्यात भारतातला पहिला कॉन्व्हर्जेंस प्रकल्प राबविण्यासाठी सामंजस्य करार झाला.

दरवर्षी 18 नोव्हेंबर या दिवशी जागतिक COPD (क्रॉनिक ऑब्स्ट्रक्टिव पल्मोनरी डिसीज) दिन साजरा करतात. 2020 साली हा दिवस लिव्हिंग वेल विथ COPD-एव्हरीबडी, एव्हरीव्हेअर या विषयाखाली पाळण्यात आला. हा आजार फुफ्फुसातल्या वायू प्रवाहात अडथळा आणतो आणि संक्रमित व्यक्तीची दैनंदिन कार्ये करण्यात अडथळा आणतो.

कर्नाटकच्या मंत्रिमंडळाने कर्नाटक राज्यात 31 वा जिल्हा तयार करण्याच्या प्रस्तावाला मान्यता दिली आहे. विजयनगर हा नवा जिल्हा असणार आहे. तो उत्तरेकडील बल्लारी जिल्ह्यातून वेगळा करण्यात येणार आहे

ल्युसिझम (किंवा spelt leukism) हा एक दुर्मिळ अनुवंशिक आजार आहे ज्यामुळे रंगद्रव्यांची कमतरता निर्माण होते. या आजारामुळे आफ्रिकेच्या जंगलात एक पांढरा जिराफ जन्माला आला आहे.

भारतीय रिझर्व्ह बँकेनी संकटात सापडलेल्या लक्ष्मी विलास बँकेवर कठोर निर्बंध लागू केले आहे. हे निर्बंध प्रॉम्प्ट करेक्टिव्ह अॅक्शन (PCA) कार्यचौकटीच्या अंतर्गत लादण्यात आले आहेत. बँकेवर लादण्यात आलेले निर्बंध पुढचे सहा महिने लागू राहणार आहेत. निर्णयानुसार, ठेवीदारांना 25 हजार रुपयांपर्यंत पैसे काढता येणार.

भारताच्या सेंटर फॉर डेव्हलपमेंट ऑफ अॅडव्हान्स्ड कंप्यूटिंग” (C-DAC) येथे नॅशनल सुपरकंप्यूटिंग मिशन (NSM) अंतर्गत प्रस्थापित केलेल्या उच्च कामगिरी संगणन-कृत्रीम बुद्धिमत्ता (HPC-AI) महासंगणक परम सिद्धि याने जगातल्या अव्वल 500 सर्वात शक्तिशाली एकसंध संगणक प्रणालींच्या जागतिक क्रमवारीत 63 वा क्रमांक पटकावला आहे. परम सिद्धी महासंगणक NVIDA डीजीएक्स सुपर पीओडी संदर्भ आर्किटेक्चर नेटवर्किंग व सी-डॅकच्या स्वदेशी विकसित HPC-AI इंजिन, सॉफ्टवेअर फ्रेमवर्क आणि क्लाऊड प्लॅटफॉर्मवर तयार करण्यात आले आहे. ही प्रणाली सखोल शिक्षण, व्हिज्युअल संगणन, आभासी वास्तविकता, प्रवेगक संगणन तसेच ग्राफिक्स व्हर्च्युअलायझेशन अश्या प्रगत तंत्रामध्ये मदत करीत आहे.

अमेरिकेच्या सेंटर्स फॉर डिसीज कंट्रोल अँड प्रिव्हेंशनने चापरे नामक दुर्मीळ विषाणूचा शोध बोलिव्हियामध्ये लावला आहे. बोलिव्हियामध्ये या विषाणूच्या संसर्गाचे काही रुग्ण सापडले आहेत. हा विषाणू बहुतांशी इबोलाप्रमाणेच आहे. या विषाणूचा फैलाव हा एका व्यक्तीकडून दुसऱ्या व्यक्तीकडे होत असल्याचे पुरावेही मिळाले आहेत. या विषाणूचा संसर्ग हा मानवी शरीरातून बाहेर पडणाऱ्या द्रवाच्या माध्यमातून होतो. विषाणूचा संसर्ग झाल्यास ताप, पोटदुखी, उलटी, हरड्यांमधून रक्त येणे, त्वचेवर ओरखडे उठणे आणि डोळ्यांमध्ये वेदना होणे, अशी लक्षणे दिसून येतात.

स्मार्ट शहरांसाठी अग्रणी मार्गदर्शक आराखडा तयार करण्याच्या हेतूने जागतिक आर्थिक मंचाकडून बंगळुरु, हैदराबाद, फरीदाबाद आणि इंदौर या चार भारतीय शहरांची निवड करण्यात आली आहे. या कार्यक्रमासाठी WEFने 22 देशांमधली एकूण 36 शहरे निवडली आहेत. जी20 स्मार्ट ग्लोबल स्मार्ट सिटीज अलायन्स च्या अंतर्गत ही स्मार्ट शहरे विकसित केली जात आहेत.

चीन देशाकडे पॉली डब्ल्यूबी-1 या नावाचे मायक्रोवेव्ह शस्त्र आहे. तर अमेरिकाकडे अॅक्टिव डिनायल सिस्टम या नावाचे मायक्रोवेव्ह शस्त्र आहे. ते एक विद्युत-चुंबकीय शस्त्र आहे, जे तीव्र स्वरूपाचे केंद्रित लेझर, ध्वनि किंवा मायक्रोवेव्ह तरंग सोडतात

मत्स्यपालन मंत्रालयाच्या अखत्यारीत असलेल्या राष्ट्रीय मत्स्यपालन विकास मंडळाच्यावतीने आसाम राज्याला मत्स्यव्यवसाय क्षेत्रात चार पुरस्कार मिळाले. राज्याला मत्स्यव्यवसाय क्षेत्रातल्या प्रगतीसाठी डोंगराळ आणि ईशान्येकडील राज्य या श्रेणीत सर्वोत्कृष्ट राज्याचा पुरस्कार मिळाला. ओडिशा राज्याला समुद्री राज्य श्रेणीत सर्वोत्कृष्ट राज्याचा पुरस्कार मिळाला. उत्तरप्रदेशाला इनलँड राज्य श्रेणीत सर्वोत्कृष्ट राज्याचा पुरस्कार मिळाला.