Free Current Affairs Quiz 14 November 2020

ओडिशा राज्याच्या शेतकऱ्यांसाठी सेचा समाधान अॅप तयार करण्यात आले आहे. शेतकऱ्यांना थेट राज्य जलसंपदा विभागाशी जोडण्यासाठी ही सुविधा तयार करण्यात आली.

पेटीएम या ई-वाणिज्य देयक प्रणालीने व्यवसायांसाठी पेआउट लिंक सादर केल्या आहेत. ते व्यवसायांना त्यांचा बँक तपशील न घेता ग्राहकांना, कर्मचार्यांना आणि विक्रेत्यांना तत्काळ देयके देण्याच्या प्रक्रियेस परवानगी देणार.

शो इंडिया टू इंडियन्स हा इंडियन रेलवे केटरिंग अँड टुरिझम कॉर्पोरेशन (IRCTC) याच्या भारत दर्शन – दक्षिण भारत यात्रा कार्यक्रमाचा विषय आहे. कार्यक्रमाचा 12 डिसेंबरपासून हैदराबाद आणि सिकंदराबाद या शहरातून आरंभ होणार आणि 18 डिसेंबर पर्यंत चालणार.

कश्यप प्रमोद पटेल (उर्फ कश पटेल) यांची अमेरिकेचे प्रभारी संरक्षण सचिव यांच्या देखरेखीखाली चीफ ऑफ स्टाफ या पदावर नेमणूक झाली.

महाराष्ट्राचे माजी शिक्षणमंत्री राजेंद्र दर्डा हे माझी भिंत या पुस्तकाचे लेखक आहेत.

ऑपरेशन थंडर 2020 हा वन्यजीवांच्या अवैध व्यापाराविरोधात एक पुढाकार आहे. या कार्यक्रमात 103 देशांचा समावेश होता. मोहीम 14 सप्टेंबर ते 11 ऑक्टोबर 2020 या कालावधीत राबवली गेली आणि वन्यप्राणी आणि वनस्पती यांच्या धोक्यात असलेल्या प्रजातींचा आंतरराष्ट्रीय व्यापार विषयी करारनामा अंतर्गत त्याचे आयोजन इंटरपोल व जागतिक जकात संघटना यांनी केले होते.

1947 साली 12 नोव्हेंबर रोजी दिल्लीच्या ऑल इंडिया रेडिओ केंद्राला महात्मा गांधी यांनी पहिली आणि एकमेव भेट दिली होती. त्या घटनेच्या स्मरणार्थ दरवर्षी सार्वजनिक सेवा प्रसारण दिन साजरा करतात.

कोविड-19 महामारीतून सावरताना रोजगार निर्मितीला प्रोत्साहन देण्यासाठी आत्मनिर्भर भारत रोजगार योजना याची घोषणा अर्थ मंत्रालयाच्यावतीने करण्यात आली आहे. EPFO-नोंदणीकृत आस्थापनांनी EPFO नोंदणीशिवाय नवीन कर्मचारी घेतल्यास किंवा ज्यांनी नोकरी गमावली आहे त्यांना या योजनेचा फायदा होणार. योजनेच्या अंतर्गत, 15,000 रुपयांपेक्षा कमी मासिक वेतनावर नवीन कर्मचारी नियुक्त करणाऱ्या कर्मचारी भविष्य निर्वाह निधी संघटनेकडे (EPFO) नोंदणीकृत असलेल्या प्रत्येक आस्थापनेला दोन वर्षांसाठी वेतनाच्या 24 टक्के अनुदान मिळणार, जे की एकूण कर्मचारी-मालक योगदान (50:50) आहे. ही योजना 1 ऑक्टोबर 2020 आणि 30 जून 2021 या कालावधीत लागू असणार.

भारतीय नौदलाने चालविलेल्या मिशन सागर-2चा एक भाग म्हणून INS ऐरावत हे जहाज अन्नधान्य घेऊन 10 नोव्हेंबर 2020 रोजी जिबूती बंदरामध्ये दाखल झाले. या मोहिमेमधून भारत सरकारकडून आपल्या मित्र देशांना नैसर्गिक संकटे आणि कोविड-19 महामारीच्या काळात अन्नधान्याची मदत करण्यात येत आहे. जिबूतीच्या नागरिकांसाठी भारताने दिलेल्या अन्नधान्याची मदत INS ऐरावतमार्फत पाठविण्यात आली आहे.
भारत सरकारच्या सेफ्टी अँड ग्रोथ फॉर ऑल इन द रीजन अर्थात सर्वांसाठी सुरक्षा आणि विकास (SAGAR)धोरणाच्या पार्श्वभूमीवर, मिशन सागर मोहिमेच्या पहिल्या टप्प्याला मे-जून 2020 मध्ये प्रारंभ झाला. त्यानुसार भारताने मालदीव, मॉरिशस, सेशेल्स, मेदागास्कर आणि कोमोरोस येथे अन्नधान्याची आणि औषधांची मदत पाठविण्यात आली. याचा दूसरा भाग म्हणून भारतीय नौदलाच्या ऐरावत जहाजामार्फत सुदान, दक्षिण सुदान,जिबुती आणि इरिट्रिया देशाकडे मदत पाठविण्यात आली आहे.

12 नोव्हेंबर 2020 रोजी विजया श्रीपाद नाईक यांच्या हस्ते वगीर या स्कॉर्पियन श्रेणीच्या पाचव्या पाणबुडीचे मुंबईच्या माझगाव गोदीत जलावतरण झाले. पाणबुडी प्रोजेक्ट-75 अंतर्गत भारतीय नौदलासाठी भारतातच तयार करण्यात आली. नौदलाच्या प्रोजेक्ट-75 अंतर्गत स्कॉर्पियन पाणबुडी प्रकल्पातल्या सहापैकी INS कलवरी आणि INS खान्देरी या दोन पाणबुड्या याआधीच नौदलात दाखल झाल्या असून उर्वरित करंज आणि वेला या दोन पाणबुड्यांच्या सागरी चाचण्या चाललेल्या आहेत.