Free Current Affairs Quiz – 05 October 2020

पश्चिम बंगाल सरकारने 7000 हून अधिक रस्ते दुरुस्त करण्यासाठी पथश्री अभियान ला आरंभ केला. या योजनेच्या अंतर्गत एकूण 12 हजार किलोमीटर लांबीच्या रस्त्यांची दुरुस्ती केली जाणार आहे.

डिफी-हेलमन की एक्सचेंज ही क्रिप्टोग्राफिक की यांचे सुरक्षित विनिमय करण्यासाठीची एक पद्धत आहे. राल्फ मर्केल यांनी याची कल्पना रचलेली आहे. क्रिप्टोकरन्सीच्या व्यवहारात याचा उपयोग होतो.

भारतीय मोटर वाहन (दुरुस्ती) अधिनियम-2019 या कायद्यात चांगल्या सेवाभावी व्यक्तीचे संरक्षण नामक एक नवा खंड जोडला गेला आहे. नियमानुसार, चांगल्या सेवाभावी व्यक्तीला हक्क दिले जाणार तसेच त्यांना धर्म, राष्ट्रीयत्व, जाती किंवा लिंग अश्या कोणत्याही पार्श्वभूमीवरून भेदभाव न करता सन्मानपूर्वक वागवले जाणार. कोणताही पोलीस अधिकारी किंवा इतर कोणीही त्यांना त्यांचे नाव, ओळख, पत्ता किंवा इतर कोणतीही वैयक्तिक माहिती उघड करण्यास भाग पाडू शकणार नाही.

केंद्रीय जलशक्ति मंत्रालयाच्यावतीने स्वच्छ भारत पुरस्कार-2020 यांचे वाटप करण्यात आले.
स्वच्छ सुंदर सामुदायिक शौचालय श्रेणीत – गुजरात (राज्य), तिरुनेलवेली, तमिळनाडू (जिल्हा).
सामुदायिक शौचालय अभियान श्रेणीत – गुजरात आणि उत्तरप्रदेश (राज्य), प्रयागराज आणि बरेली (जिल्हा).
गंदगी मुक्त भारत मिशन श्रेणीत – हरियाणा आणि तेलंगणा.

2016 साली स्वच्छता पंधरवडा पाळण्याला सुरूवात झाली. या काळात मंत्रालये / विभागांना त्यांच्या कार्यक्षेत्रात गुंतवून स्वच्छतेसंबंधी प्रश्नांवर आणि पध्दतींविषयी जनजागृती केली जाते.

दरवर्षी 4 ऑक्टोबर या दिवशी जागतिक प्राणी दिन साजरा करतात. इतर प्राणीप्रजातींच्या कल्याणासंबंधी मुद्यांविषयी जनजागृती करणे हा यामागे हेतू आहे. 24 मार्च 1925 रोजी जर्मनीच्या बर्लिन शहरात हेनरिक झिमरमन यांनी या दिनाची स्थापना केली.

स्वदेशी बनावटीच्या शौर्य हायपरसोनिक क्षेपणास्त्र पृष्ठभागावरून पृष्ठभागावर मारा करणारे रणनीतिक लक्ष्यभेदी क्षेपणास्त्र आहे. क्षेपणास्त्राची क्षमता एक हजार किलोमीटर अंतरावरील लक्ष्यावर अचूक मारा करण्याची आहे. दोनशे किलोग्रॅम वजनाची अण्वस्त्रे वाहून नेण्याची क्षेपणास्त्राची क्षमता आहे. क्षेपणास्त्र 10 मीटर लांब, 74 सेंटीमीटर व्यासाचे व 6.2 टन वजनी आहे. ते संरक्षण संशोधन व विकास संस्थेनी तयार केले आहे.

भारतीय वैद्यकीय संशोधन परिषद (ICMR) आणि राष्ट्रीय पोषण संस्था (NIN) या संस्थांनी व्हॉट इंडिया इट्स नामक एक अहवाल प्रसिद्ध केला. अहवालानुसार, ग्रामीण भागाच्या तुलनेत शहरी भागातले लोक चरबी जास्त खातात. शहरी भागात दिवसाला 51.6 ग्रॅम चरबी खाल्ली जाते, तर ग्रामीण भागात 36 ग्रॅम चरबी खातात.

भारतीय संविधानाच्या कलम 142 अन्वये सर्वोच्च न्यायालयाने कामाच्या जादा वेळाचे वेतन देण्यापासून कारखान्यांना सवलत देण्याच्या गुजरात सरकारच्या आदेशावर स्थगिती आणली आणि कामगारांच्या जादा कामाचा मोबदला देण्याचे आदेश दिले.

लॉजिस्टिक एक्सचेंज मेमोरँडम ऑफ अॅग्रीमेंट’ (LEMOA) अंतर्गत भारताने अमेरिकेबरोबर करार केला. त्याच्या अंतर्गत जिबूती आखाती, डिएगो गार्सिया, गुआम आणि सुबिकच्या आखाती भागातल्या अमेरिकेच्या तळांवरुन इंधन भरण्याची आणि तेथून जाण्याची भारताला परवानगी आहे.