चालू घडामोडी सराव पेपर 21 मे 2020

संयुक्त राष्ट्रसंघाच्या मार्गदर्शनाखाली दरवर्षी 20 मे या दिवशी जागतिक मधमाशी दिन साजरा केला जातो. यावर्षी म्हणजेच 2020 साली हा दिवस बी एंगेज्ड या संकल्पनेखाली पाळला गेला. मधुमक्षिका पालनाचे प्रवर्तक अँटोन जन्सा यांचा जन्म स्लोव्हेनिया येथे 1734 साली या दिवशी झाला. हा दिवस पर्यावरणातील मधमाशांच्या भूमिकेची कबुली देतो.

शहराला गृहनिर्माण व शहरी कल्याण मंत्रालयाच्या वतीने प्रसिद्ध करण्यात आलेल्या वर्ष 2019-20 मधील कचरा मुक्त शहरांच्या स्टार रेटिंग उपक्रमात अंबिकापूर, राजकोट, सूरत, म्हैसूर, इंदूर आणि नवी मुंबई या पांच शहरांना 5 स्टार रेटिंग प्राप्त झाले. 65 शहरांना 3-स्टार रेटिंग आणि 70 शहरांना 1-स्टार रेटिंग प्राप्त झाले.

आंतरराष्ट्रीय संग्रहालये परिषद (ICOM) आणि UNESCO या संस्थेच्या मार्गदर्शनाखाली दरवर्षी 18 मे या दिवशी आंतरराष्ट्रीय संग्रहालय दिन साजरा केला जातो. 2020 साली हा दिन म्यूजियम्स फॉर इक्वलिटी: डायव्हरसिटी अँड इनक्लूजन या संकल्पनेखाली पाळला गेला.

H.A.C.K. या ब्रॅंड नावाखाली कर्नाटक राज्याचे पहिले सायबर सुरक्षा-विशिष्ट अॅस्सेलिरेटर केंद्र हे सेंटर ऑफ एक्सलेन्स इन सायबर सेक्युरिटी (CySecK) या नावाने उघडण्यात आले आहे. हे केंद्र भारतीय विज्ञान संस्थान, बंगळुरू येथे आहे.

जेनोवा (इटली) येथील इटालियन इंस्टीट्यूट ऑफ टेक्नॉलजी या संस्थेच्या संशोधकांनी सामाजिक अंतर राखण्यात मदत होण्यासाठी आयफिल-यू ब्रेसलेट विकसित केले.

वर्तमान पंतप्रधान बेंजामिन नेतन्याहू हे पाचव्यांदा इस्रायल देशाचे पंतप्रधान बनले. ही निवड पहिल्या 18 महिन्यांकरिता झाली आहे, त्याच्यानंतर बेनी गॅन्टझ हे पद सांभाळणार.

18 मे 2020 रोजी केंद्रीय आरोग्य व कुटुंब कल्याण मंत्री डॉ. हर्ष वर्धन नवी दिल्ली येथे व्हिडीओ कॉन्फरन्सच्या माध्यमातून 73 व्या जागतिक आरोग्य परिषदेत सहभागी झाले. 73 वी परिषद ही पहिलीच आभासी आरोग्य परिषद आहे. कोविड-19 महामारीमुळे यंदा केवळ दोन दिवसांची जागतिक आरोग्य परिषद आयोजित करण्यात आली आहे. या कार्यक्रमाचे उद्घाटन 18 मे 2020 रोजी जागतिक आरोग्य संघटनेच्या मुख्यालयी म्हणजेच जिनिव्हा (स्वित्झर्लंड) येथे झाले. जागतिक आरोग्य परिषदेच्या अध्यक्षस्थानी बहामास देशाच्या केवा बेन ह्या होत्या. परिषदेचा मुख्य विषय कोविड-19 महामारीवर केंद्रित आहे.

दरवर्षी 16 मे या दिवशी शांततेत एकत्र जगण्यासाठी आंतरराष्ट्रीय दिन साजरा केला जातो. जगभरात शांती, समावेशकता, सहिष्णुता, एकता आणि समजूतदारपणा या गुणांना प्रोत्साहन देण्याकरिता हा दिवस पाळला जातो.

भारत सरकारच्या नॅशनल इनोव्हेशन फाउंडेशन या स्वायत्त संस्थेनी चॅलेंज कोविड-19 कॉम्पटिशन (C3) याची घोषणा केली होती. हा कार्यक्रम 31 मार्च ते 10 मे 2020 या कालावधीत चालला, ज्यात महामारीचा सामना करण्यासाठी नागरिकांकडून नवकल्पना मागवल्या गेल्या.

18 मे 2020 रोजी भारत सरकारच्या सांस्कृतिक मंत्रालयाने रिवायटलायजिंग म्यूजियम्स अँड कल्चरल स्पेसेस विषयक वेबिनार कार्यक्रमाचे आयोजन केले होते. आंतरराष्ट्रीय संग्रहालय दिनाच्या निमित्ताने देशभरातला संस्कृतिक वारसा यात दर्शनात मांडला गेला.